Քոլեջն
արժանիորեն կրում է 20-րդ հարյուրամյակի
հայ կոմպոզիտորական դպրոցի փայլուն ներկայացուցիչներից մեկի` Առնո Բաբաջանյանի անունը:
50-ից ավել տարիների ընթացքում Քոլեջը երաժշտական միջին
մասնագիտական կրթություն է տվել շուրջ 5000
պատանիների:
Իր 50-ամյա
հոբելյանի առթիվ Քոլեջը պարգևատրվել է ՀՀ Կրթության և գիտության նախարարության
բարձրագույն պարգևով՝ «Ոսկե հուշամեդալով»:
Շրջանավարտներից լավագույններն արդի հայ երաժշտարվեստի անվանի գործիչներ են` ՀՀ ժողովրդական ու վաստակավոր արտիստներ, միջազգային ու հանրապետական մրցույթների դափնեկիրներ, արվեստի վաստակավոր
գործիչներ և շքանշանակիրներ՝ երգիչներ Գեղամ Գրիգորյան, Էմմա Պապիկյան, դաշնակահարներ
Աշոտ Խաչատրյան, Ջուլիետա Վարդանյան, ջութակահարներ Աննա Հարությունյան, Լուսինե Աղաբաբյան,
կոմպոզիտորներ
Աշոտ Բաբայան, Ստեփան Բաբաթորոսյան, դիրիժոր Ռուբեն Ասատրյան,
ինչպես նաև էստրադային
երգչուհիներ Ինգա և Անուշ Արշակյաններ, դուդուկահարներ Կամո Սեյրանյան, Մկրտիչ Կարապետյան, ազգային երգի սիրված վարպետներ Պապին Պողոսյան, Սուսաննա Սաֆարյան, Մանիկ Գրիգորյան և այլք:
Այսօր քոլեջում գործում են
երաժշտական տարբեր համույթներ`կամերային նվագախումբ, փողային նվագախումբ, ժողովրդական գործիքների
նվագախումբ, ուսանողական երգչախումբ և երաժշտաթատերական ստուդիա:
Քոլեջի
ուսանողները շարունակում են ներկայանալ և արժանանալ մրցանակների միջազգային ու հանրապետական տարբեր փառատոներում և
մրցույթներում, ելույթներ են ունենում մայրաքաղաքի լավագույն
համերգասրահներում, հանդես գալիս
բարեգործական համերգներով:
1996 թ.-ից ՀՀ ԿԳ նախարարության և Երևանի Առնո Բաբաջանյանի անվան պետական երաժտամանկավարժական քոլեջի ջանքերով վեց անգամ կազմակերպվել և անցկացվել է «Առնո Բաբաջանյանի անվան
երիտասարդ դաշնակահարների հանրապետական մրցույթ»:
Այնուհետև՝ 2011, 2013, 2015 և 2017 թթ., նույն կազմակերպիչների
նախաձեռնությամբ, իրականացվել է Առնո Բաբաջանյանի անվան պատանի և երիտասարդ դաշնակահարների միջազգային 4 մրցույթ-փառատոն:
Հանրապետական վեց և առաջին միջազգային մրցույթ-փառատոնի ժյուրիի պատվավոր
նախագահն էր ԽՍՀՄ
ժողովրդական արտիստ, կոմպոզիտոր Էդվարդ Միրզոյանը:
Մրցույթի
դափնեկիրներից շատերն ունեն արդեն միջազգային դափնիներ, իսկ նրանցից երեքը` Արուս Աճեմյանը, Լիլիթ
Գրիգորյանն ու Ժորա
Սարգսյանը, արժանացել են Հայաստանի Հանրապետության
նախագահի «Երիտասարդական մրցանակի»:
Առնո Բաբաջանյանի անվան պատանի ու երիտասարդ դաշնակահարների
միջազգային մրցույթ-փառատոնն արդեն դարձել է ավանդական:
Միջազգային 4 մրցույթ-փառատոներին մասնակցել են 400-ից ավելի
պատանիներ և երիտասարդներ՝ 10 երկրներից՝ Հայաստանից, Արցախից, Ռուսաստանի Դաշնությունից, Ֆրանսիայից, Ավստրալիայից, Վրաստանից, Ղազախստանից, Իրանի Իսլամական Հանրապետությունից, Սիրիայից, Չինաստանից:
Ժյուրիի կազմում ընդգրկվել են անվանի երաժիշտ-մանկավարժներ Լատվիայից, Ռուսաստանից, Ղազախստանից,
Վրաստանից ու Հայաստանից:
2019 թ.-ին անցկացվող 5-րդ հոբելյանական մրցույթ-փառատոնին
մասնակցության հայտ են ներկայացրել ավելի քան 100 պատանի և երիտասարդ, ընդլայնվել
է մրցութի աշխարհագրությունը:
Մրցույթ-փառատոնը մեծանուն կոմպոզիտորի անվան շուրջ է համախմբում նրա դաշնամուրային երաժշտության սիրահարների մի մեծ բազմություն, ինչը Բաբաջանյանի լուսավոր երաժշտարվեստի հարատև կյանքի լավագույն գրավականն
է: